MY HEART NOTEBOOK

Миний нэгэн найз маань гоё ном бэлэглэжээ. Дейвид Жозеф Щварцын бичсэн Сэтгэхүйн цар хүрээний гайхамшиг гэж нэгэн дажгүй номыг Б. Энхбайгаль орчуулсан юм байна. Хүний хөгжлийн цуврал номуудын бүлэгт орох энэхүү ном уншихад зүгээр юм тэгээд ер нь яагаад блогтоо цаг заваараа шивээд оруулж болохгүй гэж бодлоо л доо. Би бичээд л байя хэн нэг нь уншаад л байх байлгүй. Тиймээс эхлэе.

... Хүсэл мөрөөдлөө "өөрийнхөө хүчээр" биелүүлж чадна гэдгээ мэддэг хүмүүс итгэлтэй, амьдралын баяр баясгалан, тэмүүлэлтэй байдаг. Ирээдүйн итгэл найдвар бол одоогийн хүч чадлын үндэс юм. Хүсэл мөрөөдлөөс нь тусгаарласан шилэн хаалтыг давах хүч чадал хүн бүрт бий. Үүний тулд хүн өөрийн дотоод ертөнцийн гайхамшиг, хязгааргүй хүч чадалтай зөвхөн "танилцах" нь л хангалттай.

Дейвидэд зориулав.

Зургаан настай хүү Дейвид маань өөрийгөө их том болсон гэж бодож байлаа. Түүнээс "Том болж дуусмагцаа юу болох гэж байна вэ?" гэж асуусан юм. Тэрээр над руу анхааралтай харж бодлогошроод "Аав аа, би профессор болмоор байна"гэлээ.

"Профессор гэнэ ээ, ямар профессор?" гэж асуутал "Юу л даа, аав аа, би аз жаргалын профессор болмоор байна" гэсэн юм.

Аз жаргалын профессор гэдэг бол гайхалтай хүсэл мөрөөдөл юм. Та ч гэсэн тэгэж бодохгүй байна гэж үү?

Энэ номыг Дейвидэд, бас сайхан хүсэл эрмэлзлэлтэй энэ бяцхан хүүгийн ээжид зориуллаа.

Үргэлжлэл бий.